por Cornelio Rivera

Sa’i oï ñande apytépe nombotavýiva hapichápe. Pukavy, popyhy ha añuã jajapórõ ikatu japyta porã maymáva ndive. Oï avei oipurúva iñe’ëkuaa ha iñe’ë re’ë omongañy haôua orekóva ipypépe. Iñapytu’ûme¹ mba’e ambue oñepyrû hína oporombotavy haôua pukavýpe, ñe’ë gua’úpe ha tova mokõime. Ha’e oikuaáma mba’épa ha mba’éichapa ojapóta ombotavy haôua hapichápe.

Eréva ha rehechaukáva rejapo reipe’a haôua nde patrón oïva nde ári, nde guerovia haôua ha oimo’ã haôua rejapotaha ha’e oipotáva ha he’íva. Heta ára jahechauka ñañandúva okaguivénte ha ñande pypépe katu mba’e ambue ñañandu. Ikatu py’üi ñambotavy ñande rapichakuérape, ha’ekuéra ho’a ñande japu ñuháme jajapova’ekue jaity haôua chupekuéra. Ñande rapicha rovaképe ñande reko porã, ambuete katu ñande reko hapykuépe.

Ikatu jajepokuaa teko tova mokõime ñande rapichakuéra ndive, ha upéicha avei jaguerovia jajapotaha Ñandejárare. David oimo’ã avei ombotavytaha Ñandejárape, ha’e ohasarire tuicha tekoasy², hesakã³ chupe ndaikatumo’ãiha ombotavy Ñandejárape. Upéva rire ha’e ohai: “Ore Jára, nde reipyguara⁴ che reko ha nde che kuaa. Nde reikuaa aguapy ha apu’ã ramo, mombyry guive reikuaa upe che akãme arekóva. Reikuaa aguata térã aguapy ramo, opa mba’e ajapóva reikuaa. Ñe’ë ne’ïra gueteri osë che jurúgui, ha nde, che Jára, reikuaáma upe ha’étava hína” (Sal. 139:1-4 ÑÑ). Ha Apóstol Pablo katu he’i: “Aníke peñembotavy pendejupe. Avave ndaikatúi oñembohory rei ñande Ruete rehe… ñande ñañotüva katuete ñamono’õ jevyva’erã…” (Gal. 6:7 ÑÑP).

Ombotavyséva Ñandejárape, ha’eñónte oñembotavy, ha hembiapo vaikue orekóva ipy’ápe⁵ ojeréta hese. He’i Jesús: “Che aikuaaha opavave apytu’û⁶ ha ipy’a ruguaite peve, ha peteïteïvape amyengoviáta ojerureháicha hembiapokue” (Ap. 2:23 ÑÑ). Mba’épa ohecha Ñandejára nde korasõ ryepýpe?

_______________________________

¹ en su mente
² problema
³ le fue claro, entendió
⁴ Tu examinas
⁵ en su interior
⁶ mente